ბიზნესმენი ჯიმშერ ჩხაიძე-ასკანელი მეღვინეობის დიდი ტრადიციის მქონე ოჯახიდანაა. მისი დიდი ბაბუა, ანთიმოზ ჩხაიძე, 1880-იან წლებში, გურიაში განსაკუთრებული ჯიშებისგან ღვინოს ამზადებდა. 1998 წელს, ძმებთან ერთად, ჯიმშერ ჩხაიძემ დააფუძნა კომპანია „ასკანელი ძმები“, რომელიც დღეს, საქართველოში, ერთ-ერთი  წარმატებული ბრენდია.

კომპანია „ქართველი“ 2015 წელს დაარსა ჯიმშერ ჩხაიძე-ასკანელმა.  „ქართველი“ არის  ჰაბი, რომელიც აერთიანებს რამდენიმე წარმატებულ ბრენდს: „ქართველი“, „გვარიანი“, „არაგველი“ , „ორბელიანი“ და  პირველი ქართული ვისკი „ჯიმშერი“. კომპანია სპეციალურად მათთვისაა შექმნილი, ვისაც სიძველისა და სიახლის, თანამედროვეობისა და წარსულის შერწყმა იზიდავს.

• უახლესი და ულტრათანამედროვე, გერმანული და იტალიური დანადგარებით აღჭურვილი ღვინის ქარხანა და  ვისკის საწარმო.
• კომპანია ფლობს სხვადასხვა ადგილწარმოშობის მიკრო ზონის ვენახებს.
• ქარხნის ტერიტორიაზე გაშენებულია 500-მდე  ქართული და უცხოური ჯიშის ვაზის  საცავი.